Í þessum staðli eru skilgreindar meginreglur fyrir sjálfbæra skógrækt á Íslandi. Markmið staðalsins er að stuðla að sjálfbærr nýtingu skóga, verndun vistkerfa, jarðvegsvernd og endurnýjun skóga í samræmi við efnahagslega, félagslega og umhverfislega þætti. Staðallinn nær til allra tegunda skóga, bæði náttúrulegra og ræktaðra, og tekur til alls lífsferils skóga, þar á meðal: — skipulagningar og stjórnunar — framkvæmda — umhirðu og varðveislu — mats á áhrifum skógræktar — endurheimtar skóga og umhirðu raskaðra svæða — samspils skógræktar við samfélög og haghafa Staðallinn veitir leiðbeiningar sem taka mið af mismunandi aðstæðum, vistkerfum og efnahagslegum forsendum. Hann er ætlaður sem grunnur fyrir stefnumótun, framkvæmdir og mat á sjálfbærni skógræktarstarfs. Staðallinn nær ekki til sérstakra vottunarkerfa eða reglugerða, heldur er hann ætlaður til notkunar hjá aðilum sem vinna að skipulagi, stjórnvöldum og öðrum hagsmunaaðilum til að stuðla að ábyrgri skógræktarstarfsemi.
Umfang vinnustofunnar takmarkast við sjálfbæra skógrækt á Íslandi og hvernig fagaðilar á Íslandi sjá best fyrir sér fyrirkomulag hennar að teknu tilliti til þátta eins og: Líffjölbreytni Jarðvegs Sögulegs umhverfis Landslags Loftslagsbreytinga Fólks Vatns Markmið vinnustofunnar er að skoða þessi atriði í samhengi við sjálfbæra skógrækt og hvernig hægt er að innleiða bestu starfsvenjur á Íslandi. Við munum kanna núverandi stöðu skógræktar, skoða hvernig sjálfbærar aðferðir eru nýttar í öðrum löndum og bera saman mismunandi nálgun við íslenskar aðstæður. Í því samhengi verða eftirfarandi spurningar lagðar fram: • Hvernig er staða skógræktar á Íslandi í dag? • Hvernig tökum við tillit til allra þátta í sjálfbærri skógrækt? • Hvernig er sjálfbær skógrækt á Íslandi frábrugðin sjálfbærri skógrækt í öðrum löndum? • Hvernig náum við því marki að geta sagt að á Íslandi sé stunduð sjálfbær skógrækt?
