Það ætti að vera stefnumarkandi ákvörðun fyrirtækis að taka upp gæðastjórnunarkerfi. Uppbygging og innleiðing á gæðastjórnunarkerfi fyrirtækis markast af a) viðskiptaumhverfi þess, breytingum sem verða á umhverfinu eða áhættu sem því tengist, b) breytilegum þörfum þess, c) markmiðum þess, d) vörunum sem það býður, e) ferlunum sem það beitir, f) stærð þess og formgerð. Það er ekki tilgangurinn með þessum alþjóðastaðli að láta að því liggja að formgerð gæðastjórnunarkerfa sé einsleit, né heldur skjalfesting þeirra. Þær kröfur til gæðastjórnunarkerfa sem tilgreindar eru í staðli þessum eru til viðbótar við þær tæknilegu kröfur sem gerðar eru til vörunnar. Upplýsingar sem merktar eru „ATHUGASEMD“ eru til leiðbeiningar eða skýringar á viðkomandi kröfu. Aðilar innan fyrirtækis sem utan, þ.m.t. vottunaraðilar, geta beitt þessum alþjóðastaðli við að meta getu fyrirtækisins til að uppfylla kröfur viðskiptavina, laga og reglugerða, svo og eigin kröfur fyrirtækisins. Við þróun þessa alþjóðas
