Staðlaráð Íslands stendur fyrir kynningu á nýja ISO 9001:2026 staðlinum þann 4. nóvember kl. 09:00–11:00 á Hótel Öskju, Nauthólsvegi.
Á kynningunni verður farið yfir helstu breytingar frá núverandi útgáfu ISO 9001, hvað þær þýða fyrir gæðastjórnun og hvaða atriði fyrirtæki og stofnanir þurfa sérstaklega að hafa í huga við aðlögun gæðakerfa að nýjum kröfum.
Viðburðurinn er eingöngu ætlaður starfandi gæðastjórum og verður lögð áhersla á hagnýta nálgun og umræður um áhrif breytinganna í framkvæmd.
Skráning er nauðsynleg og sætafjöldi takmarkaður.
