Í þessum alþjóðastaðli eru tilgreindar kröfur sem gerðar eru til umhverfisstjórnunarkerfis sem skipulagsheild getur notað til að bæta umhverfisframmistöðu sína. Þessi alþjóðastaðall er ætlaður fyrir skipulagsheildir sem vilja hafa kerfisbundna stjórn á umhverfisábyrgð sinni og leggja þannig sitt af mörkum til grunnstoða um umhverfislega sjálfbærni.
Þessi alþjóðastaðall hjálpar skipulagsheild að ná tilætlaðri útkomu með umhverfisstjórnunarkerfi sínu, en slíkt hefur gildi fyrir bæði umhverfið, skipulagsheildina sjálfa sem og hagsmunaaðila. Í samræmi við umhverfisstefnu skipulagsheildarinnar felur tilætluð útkoma umhverfisstjórnunarkerfis í sér:
– bætta umhverfisframmistöðu,
– uppfyllingu á hlítingu við skyldur,
– að ná umhverfismarkmiðum.
Allar skipulagsheildir, óháð stærð, gerð og eðli geta beitt þessum alþjóðastaðli, og hann gildir um umhverfisþætti þeirrar starfsemi og þjónustu sem skipulagsheildin hefur ákvarðað að mögulegt sé að stýra eða hafa áhrif á með tilliti til vistferilssjónarmiða. Þessi alþjóðastaðall tilgreinir ekki tiltekin viðmið um umhverfisframmistöðu. Þennan alþjóðastaðal má nota, í heild sinni eða að hluta, til þess að bæta umhverfisstjórnun með kerfisbundnum hætti. Hins vegar eru fullyrðingar um samræmi við þennan alþjóðastaðal óásættanlegar nema allar kröfur hans séu felldar inn í umhverfisstjórnunarkerfi skipulagsheildar og þær uppfylltar án undantekninga.
