Byggingarstaðlaráð hefur svarað kalli hagaðila og gefið út tvo nýja staðla sem skipta miklu máli um það hvernig við skiljum heiminn, getum átt öruggari fasteignaviðskipti og léttum líf okkar á hverjum degi. Annars vegar er um að ræða staðal um skráningu fjölda herbergja í íbúðum og hins vegar um skráningu hæða og hæðar bygginga. Staðlarnir tóku gildi í desember 2023.
ÍST 52 Skráning fjölda herbergja í íbúðum
Tilgangur staðlsins er að samræma og skilgreina hvernig fjöldi og tegund tiltekinna herbergja eru talin og skráð auk skráningar á grunnstærðum flatarmáls í íbúðum. Staðallinn er ætlaður til nota við opinbera skráningu, upplýsingagjöf og í fasteignaviðskiptum.
ÍST 53 Skráning hæða og hæðar á byggingum
Tilgangur staðalsins er að lýsa á einfaldan hátt hvernig hæð bygginga er mæld og hvernig hæðir eru skráðar. Staðallinn er ætlaður til notkunar við skráningu bygginga auk samræmdrar upplýsingagjafar á uppdráttum bygginga.
Staðlarnir voru unnir af vinnuhópi sem einnig leitaði álits meðal hagsmunaaðila á meðan á vinnu stóð.
Í vinnuhópnum sátu:
Friðrik Ólafsson, Samtökum iðnaðarins
Guðjón Steinsson, Húsnæðis- og mannvirkjastofnun
Hafsteinn Pálsson, Byggingarstaðlaráði
Arngrímur Blöndahl, ritari Byggingarstaðlaráðs
Byggingarstaðlaráð kann öllum hlutaðeigandi bestu þakkir fyrir þá miklu vinnu sem fólst í gerð staðlanna og vonast til að þeir komi sér vel fyrir hagaðila á komandi árum.
