Kæru viðskiptavinir, Vegna breytinga hjá Ísland.is þarf Staðlaráð Íslands að skipta yfir í nýtt innskráningarkerfi í vefverslun sinni. Innskráningin sjálf breytist ekki að ráði og byggir áfram á notkun rafrænna skilríkja notenda en þau fyrirtæki sem hafa gefið starfsmönnum umboð vegna reikningsviðskipta eða áskriftarsamninga þurfa að endurnýja þau umboð í nýju kerfi. Eldra kerfi verður tekið úr sambandi 1. september og því mikilvægt að ráðast í nauðsynlegar breytingar strax til að tryggja hnökralausa aðlögun og koma í veg fyrir töf á viðskiptum. Leiðbeiningar um aðgerðir má finna hér.
Föstudaginn 27. janúar heldur Dokkan áhugaverðan fund um það hvernig staðlar eru mikilvæg verkfæri við vöruþróun Össurar. Össur hefur þróað á annað hundrað vörur sem auka lífsgæði fólks um allan heim. Þeir Ívar Örn Arnarsson og Snorri Hallgrímsson fara yfir málið.
Dokkan er vettvangur þeirra sem vilja læra af þeim bestu og býður upp á fjölda stuttra kynningarfunda í hverjum mánuði, námskeið og tækifæri fyrir fólk til að viðhalda þekkingu sinni, læra nýja hluti og deila eigin þekkingu og sérstöðu. Staðlaráð mælir með aðild að Dokkunni.
Skráning á fundinn er hér...
