Ný útgfáfa frá vinnustofu um málefni rafbíla

Hjá Rafstaðlaráði hefur verið að störfum vinnustofa VS-8 Málefni rafbíla. Haldnir hafa verið 6 fundir í vinnustofunni og eins hafa vinnuhópar unnið milli funda að skjölum um þau málefni sem hafa verið til umfjöllunar. Núna er komið að útgáfu tveggja vinnustofusamþykkta:

• ÍST WA 331 Málefni rafbíla – Jöfnun álags á fasa – sem snýr að því að víða hefur orðið of mikið álag á fyrsta fasa því allar einfasa heimahleðslustöðvar hafa farið á fyrsta fasa dreifikerfa.
• ÍST WA 333 Málefni rafbíla – Yfirtíðnir frá hraðhleðslustöðvum – sem á að hjálpa til við hönnun og mat á yfirtíðnum sem koma frá hraðhleðslustöðvum.

Von er á fleiri vinnustofusamþykktum á næstu mánuðum s.s.: leiðbeiningar um endurnýtingu rafbílarafhlaðna, samskipti hleðslustöðva við ytri aðila og leiðbeiningar um val á bilanastraumsrofum fyrir hleðslustöðvar.