Nýjar leiðbeiningar ISO og UNDP um stuðning við heimsmarkmið Sameinuðu þjóðanna (SÞ) voru kynntar formlega á ársfundi ISO 2024 í Cartagena de Indias, Kólumbíu. Leiðbeiningarnar eru fyrsta almennt aðgengilega skjalið sem ætlað er að hjálpa fyrirtækjum og stofnunum að hraða viðbrögðum sínum við heimsmarkmiðunum.
Samkvæmt nýjustu skýrslu SÞ er aðeins 17% af markmiðum heimsmarkmiðanna á réttri leið til að nást fyrir árið 2030. Leiðbeiningarnar stuðla að aukinni ábyrgð fyrirtækja á samfélagslegum áhrifum sínum og leggja áherslu á samstilltar aðgerðir allra geira samfélagsins til að ná markmiðunum.
„Þessar leiðbeiningar gera öllum stofnunum kleift að setja heimsmarkmið í kjarnann í starfsemi sinni,“ sagði Sergio Mujica, framkvæmdastjóri ISO.
Þetta framtak markar tímamót í samstarfi ISO og UNDP, og fyrstu niðurstöður þess sýna hvernig hægt er að efla sjálfbærni og nýsköpun í starfsemi fyrirtækja og stofnana.
Leiðbeiningarnar eru nú aðgengilegar og bjóða fyrirtækjum og stofnunum upp á hagnýt tæki til að leggja sitt af mörkum til heimsmarkmiðanna og stuðla að jákvæðum breytingum á heimsvísu.
Leiðbeiningarnar má nálgast HÉR.
