Endurmenntun Háskóla Íslands og Staðlaráð kynna námskeið um CE merkingar véla
Óheimilt er að markaðssetja vörur án CE-merkis á Evrópska efnahagssvæðinu, heyri þær undir svokallaðar nýaðferðartilskipanir Evrópusambandsins. Því er brýnt fyrir framleiðendur og innflytjendur véla að gæta að því hvort vörur þeirra heyri undir tilskipanirnar og uppfylli kröfur þeirra. Framleiðendur og innflytjendur bera sjálfir ábyrgð á að vörur þeirra séu CE-merktar, ef við á. Eftir að varan hefur verið CE-merkt má markaðssetja hana án hindrana í öllum löndum EFTA og ESB.
Á námskeiðinu er fjallað um
Forsögu CE-merkisins, þýðingu þess og mikilvægi.
Nýju aðferðina – New Approach.
CE – merkingar – tengsl tilskipana og staðla.
Samræmismat.
Samræmisyfirlýsingu framleiðanda / ábyrgð innflytjanda.
Staðlana og notkun þeirra.
Tæknilýsingu.
Vélatilskipun, aðrar tilskipanir og reglugerðir.
Áhættumatið.
Ávinningur þinn
Þekking á CE-merkingum.
Geta til að greina hvort vörur falli undir vélatilskipun ESB.
Þekking á hvernig á að CE-merkja þær vörur sem falla undir tilskipunina.
Aukin þekking á tilgangi og notkun staðla.
Þekking á framkvæmd stjórnvalda við eftirlit á kröfum tilskipunar.
Fyrir hverja
Námskeiðið hentar fyrir framleiðendur, hönnuði, verkfræðinga og innflytjendur véla.
Nánar um kennara
Ágúst Ágústsson, tæknifræðingur hjá Vinnueftirlitinu og Arngrímur Blöndahl, tæknifræðingur hjá Staðlaráði Íslands. Arngrímur Blöndahl er sérfræðingur Staðlaráðs í CE merkingum en hann hefur kennt þetta námskeið í 10 ár. Ágúst hefur einnig langa reynslu af kennslu námskeiðsins og það er enginn hjá Vinnueftirlitinu sem hefur meiri reynslu og þekkingu af málaflokknum en hann.
