Kæru viðskiptavinir, Vegna breytinga hjá Ísland.is þarf Staðlaráð Íslands að skipta yfir í nýtt innskráningarkerfi í vefverslun sinni. Innskráningin sjálf breytist ekki að ráði og byggir áfram á notkun rafrænna skilríkja notenda en þau fyrirtæki sem hafa gefið starfsmönnum umboð vegna reikningsviðskipta eða áskriftarsamninga þurfa að endurnýja þau umboð í nýju kerfi. Eldra kerfi verður tekið úr sambandi 1. september og því mikilvægt að ráðast í nauðsynlegar breytingar strax til að tryggja hnökralausa aðlögun og koma í veg fyrir töf á viðskiptum. Leiðbeiningar um aðgerðir má finna hér.
Stundum háttar svo til að aðkallandi stöðlunarverkefni berast inn á borð Staðlaráðs án þess að til sé skilgreint fagstaðlaráð á því sviði. Í slíkum tilvikum skipar stjórn Staðlaráðs tækninefnd sem fer með stöðlunarvinnuna á ábyrgð stjórnar skv. reglum um þátttöku í staðlastarfi.
ÍST 85 - Jafnlaunastaðall
Endurskoðun jafnlaunastaðalsins ÍST 85 hefur staðið yfir frá árinu 2018. Hlé var gert á þeirri vinnu í árslok 2019.
ÍST EN ISO 19011:2018 (íslensk þýðing)
Þýðing á ÍST EN ISO 19011 - Leiðbeiningar um úttektir stjórnunarkerfa. Staðallinn kom út í íslenskri þýðingu 2018.
ÍST WA 91:2021 Vinnustofusamþykkt - Ábyrg kolefnisjöfnun
Vinnustofusamþykkt um ábyrga kolefnisjöfnun var unnin af tugum íslenskra sérfræðinga á vettvangi Staðlaráðs í samvinnu við Loftslagsráð árið 2021.
ÍST TS 92:2022 Kolefnisjöfnun: Kröfur með leiðbeiningum
Tækniforskrift sem unnin var af tugum sérfræðinga var gefin út í september 2022
ÍST EN 14001:2015 Umhverfisstjórnunarkerfi: Kröfur ásamt leiðsögn um notkun (íslensk þýðing)
Íslensk þýðing kom út árið 2023