Kæru viðskiptavinir, Vegna breytinga hjá Ísland.is þarf Staðlaráð Íslands að skipta yfir í nýtt innskráningarkerfi í vefverslun sinni. Innskráningin sjálf breytist ekki að ráði og byggir áfram á notkun rafrænna skilríkja notenda en þau fyrirtæki sem hafa gefið starfsmönnum umboð vegna reikningsviðskipta eða áskriftarsamninga þurfa að endurnýja þau umboð í nýju kerfi. Eldra kerfi verður tekið úr sambandi 1. september og því mikilvægt að ráðast í nauðsynlegar breytingar strax til að tryggja hnökralausa aðlögun og koma í veg fyrir töf á viðskiptum. Leiðbeiningar um aðgerðir má finna hér.
Fagstaðlaráð á vettvangi Staðlaráðs Íslands eru vinnuhópar skipaðir sérfræðingum og fulltrúum hagsmunaaðila frá atvinnulífi, opinberri stjórnsýslu, fræðasamfélagi og neytendum. Fagstaðlaráð vinna að því að þróa, viðhalda og uppfæra staðla sem stuðla að gæðum, öryggi og sjálfbærni í íslensku samfélagi.
Markmið Fagstaðlaráðanna er að tryggja að íslenskir staðlar taki mið af nýjustu þekkingu, þróun og tækni, auk þess að vera í takt við alþjóðlega staðla og reglur. Með því að vinna saman í opnu og gegnsæju ferli stuðla Fagstaðlaráð að framgangi nýrra hugmynda og lausna sem koma öllum samfélagshópum til góða.
Staðlaráð Íslands starfar í nánu samstarfi við bæði innlenda og alþjóðlega staðlastofnanir, svo sem ISO, IEC og CEN og CENELEC, til að tryggja að íslenskir staðlar séu viðurkenndir á alþjóðlegum vettvangi. Fagstaðlaráð gegna lykilhlutverki í þessu starfi með því að veita vettvang fyrir umræðu, samráð og ákvarðanatöku um staðla sem hafa bein áhrif á daglegt líf, atvinnulíf og umhverfi okkar.