Gjaldfrjáls lesaðgangur að jafnlaunastaðlinum ÍST 85 31.01.18

Samkvæmt samningi milli velferðarráðuneytis og Staðlaráðs Íslands hefur almenningi verið tryggður gjaldfrjáls lesaðgangur að jafnlaunastaðlinum, sem svo hefur verið kallaður, ÍST 85:2012 Jafnlaunakerfi - Kröfur og leiðbeiningar.

Hægt er að óska eftir gjaldfrjálsum lesaðgangi á vefnum ist85.is

Lög um breytingu á lögum um jafna stöðu og jafnan rétt karla og kvenna nr. 10/2008, sem kveða á um lögfestingu jafnlaunavottunar  hjá stofnunum og fyrirtækjum þar sem starfa 25 starfsmenn eða fleiri, tóku gildi 1. janúar síðastliðinn. Samkvæmt lögunum skal jafnlaunavottun byggjast á innleiðingu jafnlaunakerfis í samræmi við kröfur jafnlaunastaðalsins. Meginmarkmið jafnlaunavottunar er að vinna gegn  kynbundnum launamun og stuðla að jafnrétti kynjanna á vinnumarkaði.

Nánari upplýsingar um jafnlaunavottun er að finna á vef velferðarráðuneytis.

Staðlaráð Íslands    Þórunnartúni 2, 3. hæð, 105 Reykjavík    Kennitala: 591193 2019    Opnunartími    Sími 520 7150 fax 520 7171