ISO 9001 og ISO 9000 - Á íslensku!

ISO 9001:2015 er nú fáanlegur í íslenskri þýðingu. Þessi þekkti alþjóðlegi staðall er jafnframt evrópustaðall, og fullt heiti íslenskrar útgáfu hans er ÍST EN ISO 9001:2015 Gæðastjórnunarkerfi - Kröfur. Útgáfan inniheldur efni staðalsins á ensku og íslensku. Sama á við um staðalinn ISO 9000:2015, en fullt heiti hans er ÍST EN ISO 9000:2015 Gæðastjórnunarkerfi - Grunnatriði og íðorðasafn.

Við útgáfu staðalsins ISO 9001 árið 2015 sagði Nigel H. Croft, formaður vinnunefndarinnar sem hefur þróað og endurskoðað staðalinn, að með nýju útgáfunni væri fremur um að ræða þróun en byltingu: 

"Við erum bara að laga ISO 9001 betur að 21. öldinni. Í fyrstu útgáfum ISO 9001 var lögð töluverð áhersla á fyrirmæli, með mörgum kröfum um skráðar verklagsreglur og skrár. 

Nigel Croft

Nigel H. Croft.

   

Í útgáfunum frá árinu 2000 og 2008 einbeittum við okkur meira að stjórnun ferla, en lögðum minna upp úr skjalfestingu. Nú höfum við gengið skrefinu lengra. Í ISO 9001:2015 er jafnvel enn minna um fyrirmæli en í fyrri útgáfum, en meiri áhersla á frammistöðu. Okkur tókst þetta með því að tvinna saman ferlisnálgun og hugmyndafræði áhættustjórnunar, ásamt því að nota umbótahringrásina, skipuleggja - gera - gáta - aðhafast (e. PLAN - DO - CHECK - ACT), á öllum sviðum fyrirtækisins.

Þar sem við vitum að fyrirtæki í dag styðjast við fleiri stjórnunarkerfisstaðla, þá höfum við gert útgáfuna árið 2015 þannig úr garði að hana megi auðveldlega fella inn í önnur stjórnunarkerfi. Nýja útgáfan þjónar einnig sem grunnur fyrir gæðastaðla sem bundnir eru tilteknum geirum atvinnulífsins (bílaiðnaði, flugvélaiðnaði, lækningatækjaiðnaði), og tekur mið af þörfum eftirlitsstofnana."

Íslenskar þýðingar staðlanna eru fáanlegar í Staðlabúðinni á vef Staðlaráðs. Líkt og aðrir þýddir staðlar eru íslenskar útgáfur ISO 9001 og ISO 9000 fáanlegar á pappír eða afhentar rafrænt í svonefndu vörðu skjali.

ISO 9001 - Sýnishorn >>

ISO 9000 - Sýnishorn >>


Panta ISO 9001 >>

Panta ISO 9000 >>

 

Staðlaráð Íslands    Þórunnartúni 2, 3. hæð, 105 Reykjavík    Kennitala: 591193 2019    Opnunartími    Sími 520 7150 fax 520 7171