Nýjustu fréttir

Staðlaráð gefur út fréttabréfið Staðlamál tvisvar til þrisvar sinnum á ári. Hægt er að óska eftir ókeypis áskrift að Staðlamálum  hér >>

Staðlapósturinn - rafrænt fréttabréf Staðlaráðs er sent út um það bil einu sinni í mánuði. Þú getur gerst áskrifandi  að Staðlapóstinum hér >>

27.09.16

Væntanlegar þýðingar á stöðlum

Á vegum Staðlaráðs er jafnan unnið að íslenskum þýðingum á einstaka stöðlum. Þar eru mest áberandi alþjóðlegir staðlar sem gerðir hafa verið að íslenskum stöðlum, eða til stendur að gera að íslenskum stöðlum. Þess eru einnig dæmi að séríslenskir staðlar séu þýddir á ensku.
Væntanlegar þýðingar

Þýðingar um sértæk efni eru tímafrekar og erfitt getur reynst að áætla nákvæmlega hve langan tíma þær taka. Þýðingar á eftirtöldum stöðlum munu þó væntanlega verða gefnar út um eða upp úr næstu áramótum:

  • ÍST INSTA 800 Gæði ræstinga - Kerfi fyrir mat og flokkun á gæðum ræstinga
  • ÍST EN ISO 9001 Gæðastjórnunarkerfi - Kröfur
  • ÍST EN ISO 9000 Gæðastjórnunarkerfi - Grunnatriði og íðorðasafn
  • nánar >>

27.09.16

Mannabreytingar - Einn kemur þá annar fer

Sigurður Sigurðarson, sem unnið hefur hjá Staðlaráði Íslands um langt árabil, hefur látið af störfum. Við starfi hans tók Guðmundur Valsson, verkfræðingur. Guðmundur hefur með höndum starf ritara Rafstaðlaráðs, Fagstaðlaráðs í upplýsingatækni og fleiri verkefni. Staðlaráð þakkar Sigurði langa samfylgd og býður Guðmund velkominn í hópinn.   Gudmundur Valsson
Guðmundur Valsson.

nánar >>

27.09.16

Ráðstefna 11. október: ISO 9001:2015 og framtíðin

Vert er að vekja athygli á ráðstefnu um gæðastjórnun samkvæmt ISO 9001, sem haldin verður 11. október næstkomandi á Hótel Natura, Reykjavík. Aðalfyrirlesari verður dr. Nigel Croft. Hann mun fjalla um nýja útgáfu staðalsins ISO 9001, stöðu gæðastjórnunar og það sem er framundan á sviði gæðastjórnunar og stöðlunar.

Dr. Croft hefur verið virkur í starfi Alþjóðlegu staðlasamtakanna ISO í yfir 20 ár. Verkefni hans hafa snúist þróun staðla um gæðastjórnun, og frá árinu 2010 hefur hann verið formaður nefndarinnar ISO/TC176/SC2, sem ber meginábyrgð á staðlinum ISO 9001. 

Daginn eftir ráðstefnuna, 12. október, verður boðið upp á námskeið þar sem dr. Croft ...

nánar >>

16.09.16

Námskeið 29. september - Stjórnun upplýsingaöryggis

Á vef Staðlaráðs er hægt að setja nafn og tölvupóst á póstlista og fá tilkynningu þegar skráning hefst á hvert námskeið um sig. Sérstök athygli er vakin á nýju námskeiði um áhættustjórnun með hliðsjón af staðlinum ISO 31000, sem verður í desember.

 

NÁMSKEIÐ fimmtudag 29. september:

Stjórnun upplýsingaöryggis samkvæmt ISO/IEC 27001 - Lykilatriði, uppbygging og notkun

MARKMIÐ NÁMSKEIÐSINS er að þátttakendur geti gert grein fyrir lykilatriðum staðlanna ISO/IEC 27001 og ISO/IEC 27002 og þekki hvernig þeim er beitt við stjórnun upplýsingaöryggis í fyrirtækjum og stofnunum.

nánar >>

20.09.16

Viðurkenningarorð um íslenska jafnlaunastaðalinn ÍST 85

Yfirmaður jafnréttismála hjá Alþjóðavinnumálastofnuninni (ILO) segir íslenska jafnlaunastaðalinn, ÍST 85 Jafnlaunakerfi - Kröfur og leiðbeiningar áhugaverða nýjung sem geti orðið öðrum þjóðum fyrirmynd. Samkvæmt fréttatilkynningu frá Velferðarráðuneytinu er fjallað er um málið í nýjasta tölublaði Arbetsliv i Norden.

Staðallinn ÍST 85 fæst í Staðlabúðinni. Sjá nánar hér >>

Fréttatilkynning Velferðarráðuneytisins er hér >>...

nánar >>

Staðlaráð Íslands    Þórunnartúni 2, 3. hæð, 105 Reykjavík    Kennitala: 591193 2019    Opnunartími    Sími 520 7150 fax 520 7171